மூங்கில் இலைபறித்து
முத்தம்மா  நடக்கையிலே
அவள் சுமந்த   மூங்கில்
இலையினில்  ஓர்  பனித்துளி
ஏங்குவோர் துயர் துடைத்து
செம்பியனும்  திரும்புகையில்
முத்தம்மா  தலையினிலே
வாடும்  பனிநீர் கண்டனனே
தூங்கும் பனி  நீரே
என்ன துயர் கொண்டாய்
கொண்டதுயர்  சொன்னால்
குறைதீர்க்கப்பார்ப்பேன்
தூங்கும்  பனி நீரில்
மூன்றுவகை  இன்பம்
மூன்றுவகை  இன்பம்
அது முத்தமிழேயாகும்
தூங்கும் பனி நீரை
வாங்கும் கதிரோனே 
வாங்கும் கதிர் வாழ்க
வண்டமிழ்  வாழ்க
வண்டமிழால் வையகமே வாழ்க
வாழ்க வாழ்க  அனைவரும்  வாழ்கவே


மாற்றங்கள்  பூசும் வர்ணங்கள்
அழகாக  இருக்கின்ற  போதிலும்
சில  சமயம்  சகிக்க முடியாத
வர்ணங்களையும்  பூசி  செல்கின்றது   
நல்ல  பூச்சுகள்  பெய்த மழையில்
நனைந்து கரைவதுபோல்
நல்ல மாற்றங்கள்  அழிந்து போகின்றனவே
அரசியலிலும்  கலையுலகிலும்
நல்ல  வர்ணங்கள்  பூசப்பட்டது
மாறுதல்  வர்ணங்கள்  மாறி
அனைத்தும்  நசிகின்றனவே
மனதை  கொள்ளையிட மறுக்கின்றது
அநியாயம்  செய்தோரை தலையில் சுமப்பதும்
நாச சக்திகள் கோலோச்சுவதும்
பனையின் உயரத்தில்  இருக்கின்றது 
மாற்றமே வா  நல்ல  வர்ணங்களைப்  பூசு