என்னை மீட்ட ஆளில்லையோ 
ஏங்கியது  யாழ் 
என்னை முகர  யாருமில்லையோ 
ஏங்கியது பூ 
என்னைச் செலுத்த  யாருமில்லையோ 
ஏங்கியது  படகு 
என்னை  வாங்க  யாருமில்லையோ 
ஏங்கியது  அன்பு 
என்னை விரிக்க யாருமில்லையோ 
ஏங்கியது நூல் 
என்னை மதிக்க  யாருமில்லையோ 
ஏங்கினான் ஏழை 
என்னை  முதல்வராக்க  யாருமில்லையோ 
ஏங்கினான்  நடிகன் 
என்னைக் காக்க  யாருமில்லையோ 
ஏங்கியது  தமிழ் 
என்னைத் தொட  யாருமில்லையோ 
ஏங்கினாள்  முதிர்கன்னி 

ம.இரமேசு