மனங்களின் நிறமென்ன
கடலே கடலே கொஞ்சம் சொல்லு
உன் அழகை எங்கிருந்து பெற்றாய்
வானே வானே கொஞ்சம் நில்லு
உன் வடிவழகை எங்கிருந்து பெற்றாய்
நீலமென்றால் உங்களுக்குப் பிரியமோ
மௌனமாகத் தலையாட்டும்
வெற்றிலைக் கொடிகளே எங்கே
பெற்றீர் பச்சை நிறத்தை
பாலே பாலே எங்கு பெற்றாய்
வெள்ளை நிறத்தை உடலே உடலே
எங்குபெற்றாய் உனக்குள் ஓடும்
சிகப்பு மையை ஒளியே உன்
நிறமென்ன ஒலியே உன் நிறமென்ன
வேதனையே சொல்லு உன் நிறமென்ன
மகிழ்வே உன் நிறமென்ன
உயர்வே தாழ்வே உங்கள்
நிறங்கள் என்னவோ
இறந்தவர்கள் நிறங்கள் என்ன
இருப்பவர்கள் நிறங்கள் என்ன
மனங்களின் நிறங்கள் என்ன என்ன
ம.இரமேசு
கருத்துகள் இல்லை:
கருத்துரையிடுக